U Biełarusi pryznali «ekstremisckimi» dziciačuju knihu Iosifa Brodskaha i vydańnie «Ajčyna. Malaŭničaja historyja»
U Respublikanskim śpisie ekstremisckich materyjałaŭ źjavilisia novyja fihuranty: dziciačaja kniha «Bałada pra maleńki buksir» nobieleŭskaha łaŭreata Iosifa Brodskaha, vydadzienaja ŭ vydaviectvie «Januškievič» u hetym hodzie, i papularnaje vydańnie «Ajčyna: Malaŭničaja historyja. Ad Rahniedy da Kaściuški» aŭtarstva Uładzimira Arłova i Paŭła Tatarnikava.
25.10.2022 / 18:08
Adpaviednaje rašeńnie pryniataje 18 kastryčnika sudom Centralnaha rajona Minska.
«Bałada pra maleńki buksir» była pieršaj publikacyjaj nobieleŭskaha łaŭreata ŭ siabie na radzimie. U vieršy dla dziaciej buksir raspaviadaje pra svajo cikavaje žyćcio i pryznačeńnie.
Pieršy nakład knihi «Ajčyna: Malaŭničaja historyja. Ad Rahniedy da Kaściuški» ŭ 2017 hodzie raskupili za miesiac.
Raniej łukašenkaŭskija sudy pryznali «ekstremisckimi» jašče dźvie knihi vydaviectva «Januškievič» — raman Alhierda Bachareviča «Sabaki Jeŭropy» i «Ahrarnaja palityka nacystaŭ u Zachodniaj Biełarusi». U takich vypadkach nikoli ŭciamna nie tłumačać, što ŭ toj ci inšaj knizie «ekstremisckaha».