Ministr finansaŭ: Biełaruś viernie 1,7 młrd rubloŭ ad padatkovaha manieŭru
Ministr finansaŭ Juryj Sielivierstaŭ paviedamiŭ, što Biełaruś atrymaje ad padatkovaha manieŭru 1,7 młrd rubloŭ, a rasijskija kredyty spadziajucca častkova refinansavać. Słovy ministra pryvodzić BiełTA.
25.10.2022 / 22:14
Juryj Sielivierstaŭ. Fota: BiełTA
Minsku ŭdałosia ŭrehulavać z Maskvoj pytańnie ab padatkovym manieŭry ŭ naftavaj śfiery. Była padpisanaja Damova ab ahulnych pryncypach padatkaabkładańnia pa ŭskosnych padatkach. U joj utrymlivajecca vyrašeńnie pytańnia pa zvarotnych akcyzach, što źviazana z koštam nafty dla biełaruskaha boku.
Užo z 1 studzienia 2023 hoda Biełaruś budzie atrymlivać zvarotny akcyz za dva hady i takim čynam papaŭniać biudžet. «Heta nam daść dadatkovyja niedaŭhavyja krynicy dla biudžetu ŭžo z 1 studzienia. Zvarotny akcyz budzie prychodzić dzieści na sumu 1,7 młrd biełaruskich rubloŭ», — paviedamiŭ Sielivierstaŭ.
Ministr finansaŭ taksama raskazaŭ pra płany vypłat pa źniešnich abaviazkach u nastupnym hodzie. Dla «niesiabroŭskich» krain, pa jaho słovach, mahčymaści apłaty abmiežavanyja, pakul z Nacbanka nie zdymuć sankcyi. Z Rasijaj ža jość spadziavańni doŭh častkova refinansavać, to-bok atrymać ad jaje novy kredyt na spłatu papiaredniaha.