У Ваўкавыску затрымалі Юрася Меляшкевіча
Пра затрыманне грамадскага дзеяча Юрася Меляшкевіча паведамляе «Вясна».
27.10.2022 / 18:36
39-гадовы Юрась Меляшкевіч — вядомы грамадска-палітычны дзеяч, які ў розны час уваходзіў у кіраўніцтва Руху «За Свабоду» і грамадскага аб'яднання «БНФ Адраджэнне». З'яўляецца намеснікам старшыні Беларускага таварыства аховы помнікаў гісторыі і культуры, а таксама намеснікам старшыні Партыі БНФ.
У жніўні мінулага года Меляшкевіча ўжо затрымлівалі сілавікі, але тады яго хутка адпусцілі.