У Індыі абрынуўся пешаходны мост, загінулі дзясяткі людзей
У заходнім індыйскім штаце Гуджарат абрынуўся падвясны пешаходны мост, калі на ім знаходзіліся каля 500 чалавек. Пра гэта паведаміў тэлеканал NDTV.
30.10.2022 / 18:41
Фота: ndtv.com
Больш за 100 чалавек апынуліся пад вадой, прынамсі 80 з іх загінула. На месцы здарэння працуюць ратавальнікі.
Трагедыя адбылася на мосце Морбі на рацэ Мачэху. Ён быў пабудаваны яшчэ 140 гадоў таму, некалькі гадоў быў на рэканструкцыі і адкрыўся для наведвальнікаў ўсяго чатыры дні таму.
Кіраўніцтва штата Гуджарат узяло на сябе адказнасць за трагедыю.
На відэа, знятым відавочцамі надзвычайнага здарэння, відаць, як многія людзі павіслі на трасах моста. Іншыя, каб выратавацца, самі скакалі ў раку.