Дэпутат пра выбары ва Усебеларускі народны сход: Калі чалавек нідзе не задзейнічаны, які з яго толк?
Старшыня Пастаяннай камісіі Савета Рэспублікі Нацыянальнага сходу па эканоміцы, бюджэце і фінансах Таццяна Рунец расказала, што вельмі доўга ішлі дэбаты наконт таго, хто ж усё-такі павінен удзельнічаць ва Усебеларускім народным сходзе і ці могуць туды трапіць шараговыя грамадзяне.
31.10.2022 / 11:14
Усебеларускі народны сход у лютым 2021 года
«У момант разгляду праекта Канстытуцыі паступала шмат прапаноў ад простых людзей, якія гатовыя былі самі ўдзельнічаць у сходзе.
Але ўсё ж такі мы прыйшлі да высновы, што калі чалавек не мае грамадзянскай пазіцыі, нідзе не задзейнічаны, то які з яго толк, калі ён прыйдзе проста галасаваць? Усё ж такі ўдзельнікам УНС павінен быць той, хто выказвае пазіцыю, знаходзіцца ў грамадскім аб'яднанні або партыі ці з'яўляецца дэпутатам», — упэўненая Т. Рунец.
У той жа час сенатарка параўнала УНС з народным вечам:
«Але ўспомніце традыцыі беларускага народа — талака, веча. Здаўна людзі збіраліся і вырашалі важныя праблемы разам. Думаю, і цяпер гэтая практыка прынясе нам добрыя вынікі», — рэзюмавала яна.