У Быхаўскім раёне дзядуля і ўнук праваліліся ў лесе ў калодзеж
Здарэнне адбылося 31 кастрычніка. Да ратавальнікаў звярнулася жанчына, якая расказала, што яе муж і ўнук зваліліся ў незачынены калодзеж з вадой у лесе.
01.11.2022 / 08:46
Фота: МНС
Высветлілася, што дзядуля, бабуля і двое ўнукаў адправіліся ў лес, каб назбіраць яловых лапак і закрыць імі саджанцы на прысядзібным участку. У незачынены калодзеж у лесе праваліўся 9-гадовы хлопчык. Дзядуля паспрабаваў яго дастаць і сам апынуўся ў калодзежы.
Ратавальнікі дасталі іх пры дапамозе вяроўкі і перадалі медыкам.
Хлопчык шпіталізаваны з папярэднім дыягназам «агульнае пераахаладжэнне». Мужчына ў медыцынскай дапамозе не меў патрэбы.
Работнікі МНС абгарадзілі месца здарэння.