U Bychaŭskim rajonie dziadula i ŭnuk pravalilisia ŭ lesie ŭ kałodziež
Zdareńnie adbyłosia 31 kastryčnika. Da ratavalnikaŭ źviarnułasia žančyna, jakaja raskazała, što jaje muž i ŭnuk zvalilisia ŭ niezačynieny kałodziež z vadoj u lesie.
01.11.2022 / 08:46
Fota: MNS
Vyśvietliłasia, što dziadula, babula i dvoje ŭnukaŭ adpravilisia ŭ les, kab naźbirać jałovych łapak i zakryć imi sadžancy na prysiadzibnym učastku. U niezačynieny kałodziež u lesie pravaliŭsia 9-hadovy chłopčyk. Dziadula pasprabavaŭ jaho dastać i sam apynuŭsia ŭ kałodziežy.
Ratavalniki dastali ich pry dapamozie viaroŭki i pieradali miedykam.
Chłopčyk špitalizavany z papiarednim dyjahnazam «ahulnaje pieraachaładžeńnie». Mužčyna ŭ miedycynskaj dapamozie nie mieŭ patreby.
Rabotniki MNS abharadzili miesca zdareńnia.