Minčuka asudzili na try z pałovaj hady za pieravod kryptavaluty Bypol
35-hadovaha Alaksandra Zijazetdzinava abvinavacili pa č. 1 art. 361-2 Kryminalnaha kodeksa (finansavańnie dziejnaści ekstremisckaha farmiravańnia) za pieraličeńnie ŭ mai 2021 hoda 0,2 efiru (na toj čas kala 800 dalaraŭ) na kryptakašalok Bypol. Sud prachodziŭ u zakrytym režymie, tamu padrabiaznaści spravy nieviadomyja, paviedamlaje «Viasna».
01.11.2022 / 15:28
«Ja nie viedaŭ, što arhanizacyja źjaŭlajecca ekstremisckaj, hrošy pieravioŭ, bo chacieŭ padtrymać ludziej. Ciapier razumieju, što ździejśniŭ złačynstva», — kazaŭ Alaksandr na «pakajalnym» videa.
Cikava, što inicyjatyva byłych siłavikoŭ BYPOL była pryznana MUS ekstremisckim farmiravańniem tolki ŭ listapadzie 2021 hoda, to bok praz šeść miesiacaŭ paśla pieraličeńnia kryptavaluty.
Pad vartaj Alaksandr, vierahodna, znachodziŭsia z červienia 2022 hoda.