Pa «spravie Zielcera» asudžany Dźmitryj Łahodzič
U Bresckim abłasnym sudzie zaviaršyŭsia razhlad kryminalnaj spravy Dźmitryja Łahodziča, jakoha abvinavacili ŭ abrazie Łukašenki (č. 1 art. 368 KK) i raspalvańni inšaj sacyjalnaj varožaści (č. 1 art 130 KK), paviedamlaje «Viasna».
04.11.2022 / 21:04
Mužčyna byŭ zatrymany 30 vieraśnia 2021 hoda ŭ Breście pa kryminalnaj spravie, uzbudžanaj za kamientary ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i IT-śpiecyjalista Andreja Zielcera.
U chodzie suda vyśvietliłasia, što abvinavačańnie za abrazu Łukašenki vystavili za kamientar, pakinuty jašče 12 žniŭnia 2020 hoda ŭ sacyjalnaj sietcy «Vkontaktie». Tady pad svaim imiem Dźmitryj prakamientavaŭ navinu na staroncy «TUT.VY».
Sudovy praces doŭžyŭsia try dni, siońnia byŭ ahučany prysud: pazbaŭleńnie voli va ŭmovach ahulnaha režymu terminam na 3 hady i 6 miesiacaŭ.
Spravu razhladała sudździa Rusłana Siańko, dziaržabvinavaŭca — prakuror Maryja Białt.