Biełarusy Koŭna źbirajuć srodki na abnaŭleńnie mahiły Kłaŭdzija Duž-Dušeŭskaha
Zbor srodkaŭ na ŭparadkavańnie mahiły Kłaŭdzija Duž-Dušeŭskaha na Piatrašunskich mohiłkach u litoŭskim Kaŭnasie zapuščany na fejsbuk-staroncy biełarusaŭ Koŭna. Płanujecca pamianiać nadmahilnuju šyldu, kab byli nadpisy i pa-biełarusku, ustalavać dva fłahštoki dla bieł-čyrvona-biełaha ściaha i hierba «Pahonia», abnavić nadmahilnyja plity.
07.11.2022 / 16:54
Da raspracoŭki dyzajnu šyldy i nadmahilnaj prastory płanujecca pryciahnuć biełaruskich dyzajnieraŭ i mastakoŭ. Uračystaje adkryćcio budzie prymierkavana da Dnia Voli, 25 sakavika. Zbor srodkaŭ budzie doŭžycca try miesiacy.
Kłaŭdzij Duž-Dušeŭski (1891-1959) — siabra Rady BNR, aŭtar prajekta bieł-čyrvona-biełaha ściaha, architektar Litbudprajekta i dacent Kovienskaha ŭniviersiteta. Dvojčy byŭ aryštavany savieckimi ŭładami, viazień niamieckaha kancłahiera. Za dapamohu habrejam padčas Druhoj suśvietnaj vajny paśmiarotna ŭznaharodžany prezidentam Litvy.
Rekvizity dla zboru (buduć dadavacca):
Atrymalnik: VŠĮ POLYGLOT LANGUAGE ORGANIZATION
Rachunak: LT687300010171217703
Meta płaciažu: Duzh-Dusheuski
Staronka zboru srodkaŭ na fejsbuku.