Benksi naviedaŭ Baradzianku pad Kijevam i pakinuŭ tam hrafici
U Baradzianku pryjazdžaŭ Benksi. Zorka brytanskaha vuličnaha mastactva pakinuŭ tam svajo hrafici i apublikavaŭ fota ź im na svajoj aficyjnaj staroncy ŭ Instagram.
12.11.2022 / 10:04
Na ścianie źniščanaha vajnoj doma jon namalavaŭ dziaŭčynu-himnastku, što staić na rukach dahary nahami, byccam abapirajučysia na ruiny. Mastaku daviałosia pracavać siarod razburanaha vybucham bietonu i armatury.
Padpisaŭ fota vielmi łakanična: «Baradzianka, Ukraina». Byccam razumieŭ — jaho fanaty čakajuć paćvierdžańnia, što jon byŭ u hetym ukrainskim horadzie, zrujnavanym vajnoj.
Sprečki pra toje, ci Benksi pryjechaŭ va Ukrainu, vialisia niekalki dzion tamu, kali na Majdanie Niezaležnaści ŭ Kijevie źjaviłasia hrafici na bietonnych błokach — dvoje dziaciej byccam na arelach kačajucca na abaronnym mietaličnym vožyku, piša «Ukrainskaja praŭda».
Potym było fota z Baradzianki, na ŭnutranaj ścianie razburanaha doma maleńki chłopčyk kidaje na śpinu mužčynu ŭ kimano z čornym pojasam. Fota abnarodavaŭ fatohraf Ed Ram.