Andrej Pačobut z-za krataŭ: Prykład viaźniaŭ 1940-ch daje siły
Zatrymany žurnalist, aktyvist Sajuza palakaŭ Andrej Pačobut dasłaŭ viestačku z-za krataŭ.
17.11.2022 / 15:00
«Ja dumaju pra tych, chto siadzieŭ u hetych ścienach u 40-50-ja hady i čakaŭ suda. Im było ciažej, u tyja hady heta było sapraŭdnaje piekła. Ich prykład daje siły. My nie vybirajem čas, u jakim my žyviom, ale my vybirajem, jak nam žyć u toj čas. Viadoma, ja nikoli nie dumaŭ, što historyja raptam stanie takoj niebiaśpiečnaj, ale rečaisnaść zaŭsiody ździŭlaje. U hetym i zaklučajecca jaje pryhažość», — napisaŭ Andrej.
Andreja zatrymali 25 sakavika 2021 hoda ŭ Hrodnie. Vosieńniu 2021-ha Pačobut admoviŭsia pisać prašeńnie ab pamiłavańni na imia Łukašenki. Spravu hrodzienskaha žurnalista i siabra «Sajuza palakaŭ» u Biełarusi pačnuć razhladać u Hrodzienskim abłasnym sudzie 28 listapada — palitviaźnia abvinavačvajuć pavodle dvuch artykułaŭ Kryminalnaha kodeksa.