Z PVT sychodzić adzin z samych paśpiachovych kazachstanskich startapaŭ
Śledam za Kajratam Baranbajevym, jaki straciŭ franšyzu McDonald's, ź Biełarusi sychodzić jašče adzin kazachstanski inviestar, hetym razam z IT-śfiery. Jak stała viadoma vydańniu Office Life, svoj biznes tut zakryvaje stvaralnik anłajn-płatformy Smart Satu Bałatbiek Aspanaŭ.
17.11.2022 / 18:20
Bałatbiek Aspanaŭ. Fota: weproject.media
Miascovaja kampanija «SmartSatuŁab», jakaja z 2018 hoda była adzinym rezidentam Parka vysokich technałohij z kazachstanskim kapitałam, ciapier prachodzić likvidacyju. Anłajn-płatforma, častku raspracoŭki jakoj Aspanaŭ u siaredzinie 2010-ch davieryŭ biełaruskim prahramistam, zabiaśpiečvaje pramyja kantakty pastaŭščykoŭ z retejlerami i restaratarami.
Akramia Kazachstana, pasłuhi kampanii dastupnyja ŭ Rasii, Turcyi, Sinhapury, AAE i ZŠA. Smart Satu nazyvajecca adnym z samych bujnych i paśpiachovych startapaŭ Kazachstana. Acenka jahonaha koštu — 40 młn dalaraŭ.