Пад санкцыі Новай Зеландыі трапіла Наталля Эйсмант
Міністэрства замежных спраў і гандлю Новай Зеландыі апублікавала абноўлены санкцыйны пералік. Учора было абвешчана аб яго пашырэнні. Згадвалася, што санкцыі ўведзеныя ў дачыненні да жонкі і сына Аляксандра Лукашэнкі.
22.11.2022 / 09:09
У спіс сапраўды патрапілі Галіна і Віктар Лукашэнкі. Таксама ў ім аказалія іншыя беларускія асобы, якія не згадваліся ў прэс-рэлізе, звяртае ўвагу Reform.by.
У прыватнасці, санкцыі ўведзеныя ў дачыненні да
прэс-сакратара Аляксандра Лукашэнкі Наталлі Эйсмант,
начальніка Гомельскай памежнай групы Уладзіслава Бруева,
камандуючага сіламі спецыяльных аперацый УС Беларусі Вадзіма Дзенісенкі.
У пералік Новай Зеландыі таксама ўключана беларуская кампанія «КБ-Радар».