Sprava AHSB: Prakuratura ličyć, što katavańniaŭ nie było
Siońnia na sudzie pa «spravie AHSB» była ahučana infarmacyja ab tym, što paśla zajaŭ Sasnoŭskaha ab tym, što ŭ dačynieńni da jaho supracoŭnikami KDB užyvaŭsia hvałt, była praviedzienaja prakurorskaja pravierka, piša «Sputnik».
22.11.2022 / 13:35
Dźmitryj Sasnoŭski. Fota: BiełTA
U zaviadzieńni kryminalnaj spravy ŭ dačynieńni da apieratyŭnikaŭ, jakija jaho zatrymlivali, admoŭlena, paviedamiŭ prakuror. Jon paprasiŭ sud dałučyć da materyjałaŭ spravy dakumient ab admovie.
Nahadajem, Dźmitryj Sasnoŭski — adziny pa spravie, chto nie pryznaŭ vinu. Padčas dačy pakazańniaŭ Sasnoŭski płakaŭ i zajaviŭ, što ŭ złačynstva ŭ dačynieńni da Azaronka jaho ŭciahnuli padčas śledčaha ekśpierymientu.
Jon taksama zajaviŭ sudu, što paśla zatrymańnia kala doma Azaronka da jaho «ŭžyvali hvałt i katavańni, prymusili napisać čystasardečnaje pryznańnie». Na pieršym pasiadžeńni, kali sud vyśviatlaŭ jaho asobu, jon zajaviŭ, što choča admovicca ad hramadzianstva Biełarusi, tamu što «nie maje dačynieńnia da teraryzmu».
Padtrymać fihurantaŭ «spravy AHSB»: 220050, h. Minsk, Hałoŭpaštamt, abanienckaja skrynia 8, Natalla Siarhiejeŭna Macviejeva, Dźmitryj Uładzimiravič Sasnoŭski, Kirył Ramanavič Ašurak, Alaksiej Uładzimiravič Hłotaŭ, Vadzim Mikałajevič Hulevič