Pad Starymi Darohami mikraaŭtobus vyniesła na sustrečnuju. Zahinuła kiroŭca
Trahičnaje zdareńnie adbyłosia a 10-j ranicy na 282-m kiłamietry darohi miaža RF — Słuck — Ivacevičy.
26.11.2022 / 14:11
53-hadovaja žančyna-kiroŭca mikraaŭtobusa «Falksvahien», pavodle papiaredniaj infarmacyi, nie spraviłasia z kiravańniem, vyjechała na pałasu sustrečnaha ruchu, dzie sutyknułasia z hruzavikom «Scania», jakim kiravaŭ žychar Kalinkavičaŭ, paviedamlaje pres-słužba MUS.
Kiroŭca mikraaŭtobusa zahinuła na miescy. Na jaje aŭto byli ŭstalavanyja ŭsiesiezonnyja šyny ź nieraŭnamiernym znosam pratektara.
Na terytoryi Minskaj vobłaści Dziaržaŭtainśpiekcyjaj uviedzieny śpiecyjalny płan «Nadvorje».
Milicyja nahadvaje: u składanych umovach nadvorja i darožnych umovach vadzicieli pavinny być vielmi ŭvažlivymi i aściarožnymi. Treba vybirać biaśpiečnuju chutkaść ruchu, pavialičyć dystancyju i bakavy intervał, paźbiahać rezkich manieŭraŭ i tarmažeńniaŭ.