Śmiarotnaje łabavoje sutyknieńnie pad Iŭjem: zahinuŭ adzin z kiroŭcaŭ
Siońnia ranicaj u Iŭjeŭskim rajonie adbyłosia śmiarotnaje DTZ. Avaryja zdaryłasia na aŭtadarozie R-48 «Varona — Ašmiany — Juraciški — Iŭje» prykładna ŭ 07:30, paviedamlaje abłasnaja milicyja.
28.11.2022 / 09:33
39-hadovy kiroŭca «Opiela» jechaŭ u kirunku Juracišak, vyjechaŭ na pałasu sustrečnaha ruchu i sutyknuŭsia z «Aŭdzi».
U vyniku avaryi jon zahinuŭ na miescy DTZ. Kiroŭca i pasažyr «Aŭdzi» dastaŭleny ŭ balnicu dla abśledavańnia.
Darečy, kiroŭca-vinoŭnik u červieni 2021 hoda pazbaŭleny pravoŭ za niećviarozaje kiravańnie.