Na padletka z Rečycy, jaki padpaliŭ siabie i prajechaŭsia na rovary, zaviali kryminalnuju spravu
Suprać 17-hadovaha žychara Rečycy, jaki padpaliŭ siabie i prajechaŭsia na rovary pobač z haradskim krajaznaŭčym muziejem, raspačali kryminalnuju spravu ab chulihanstvie (artykuł 339 KK), piša telehram-kanał siłavikoŭ.
29.11.2022 / 13:26
Videa truka, jaki sprabavaŭ ździejśnić chłopiec, 27 listapada apublikavaŭ instrahram-akaŭnt «ČP Homiel». Pa źviestkach administrataraŭ akaŭnta, situacyja adbyłasia 25 listapada.
28 listapada va UUS Homielskaha abłvykankama prakamientavali rolik.
«Chłopiec nadzieŭ na siabie niekalki kurtak i abliŭsia bienzinam. Pryjaciel čyrknuŭ zapalničkaj, i vadkaść zaharełasia. Truk zrabić ź pieršaha razu nie atrymałasia: koła rovara paviało na lodzie. Druhi dubl akazaŭsia ŭdałym. Pa ščaślivaj vypadkovaści nichto nie paciarpieŭ», — paviedamiła UUS.