Dyńko: Nie, heta «rasiejskaja tradycyja», a nie burackaja i čačenskaja
«Nie, heta «rasiejskaja tradycyja», impierskaja ambicyja i ŭpeŭnienaść u «asablivaj roli», «asablivaj misii» Rasii i, adpaviedna, «asablivych pravach», jakija joj naležać, pryviali da žachaŭ impieryjalistyčnaj vajny va Ukrainie, a čačency i buraty tut — u nie mienšaj stupieni achviary, a nie katy», — napisaŭ u fejsbuku Andrej Dyńko pra słovy papy Franciška.
29.11.2022 / 20:30
Fota: AP Photo / Andrew Medichini
Vykazvańnie Papy pra burataŭ i čačencaŭ, pra asablivuju žorstkaść tych, «chto z Rasii, ale nie prytrymlivajucca rasiejskaj tradycyi, takich, jak čačency, buraty i tak dalej», maje adbialić tych, chto «prytrymlivajucca ruskaj tradycyi».
Nie, heta «rasiejskaja tradycyja», impierskaja ambicyja i ŭpeŭnienaść u «asablivaj roli», «asablivaj misii» Rasii i, adpaviedna, «asablivych pravach», jakija joj naležać, pryviali da žachaŭ impieryjalistyčnaj vajny va Ukrainie, a čačency i buraty tut — u nie mienšaj stupieni achviary, a nie katy.
U hetaj vajnie vinavaty, vobrazna kažučy, Dastajeŭski, a nie tvorcy burackaha i čačenskaha narodaŭ.
Papu Francišku, kali jon choča być duchoŭnym, a nie palityčnym lidaram, treba było b pryznać heta i nazvać rečy svaimi imionami ŭ tym liku i adnosna Ruskaj pravasłaŭnaj carkvy, jakaja, na žal, pieratvaryłasia ŭ plemiannuju carkvu, jakaja nie tolki apraŭdvaje, ale i aśviačaje hetuju zachopnickuju vajnu.