Kala «Niekiempinskaha» ŭ Minsku pastavili pamiatny znak źniščanaj elektrastancyi FOTA
Vyjavu amal hatovaha da adkryćcia znaka raźmiaściŭ na svajoj staroncy ŭ fejsbuku Viačasłaŭ Akulič.
30.11.2022 / 20:23
Budynak samoj elektrastancyi źnieśli ŭ 2011 hodzie pry pačatku rabot pa ŭźviadzieńni mierkavanaha hatela «Kiempinski». Pakolki paśla hety abjekt pieratvaryŭsia ŭ daŭhabud i jahonaje metavaje pryznačeńnie źmianiłasia, to jon atrymaŭ u narodzie mianušku «Niakiempinski».
Heta była pieršaja haradskaja elektrastancyja, pabudavanaja na bierazie Śvisłačy ŭ 1895 hodzie. U jaje afarmleńni byli elemienty hotyki. Abjekt byŭ uniesieny ŭ śpis historyka-kulturnaj spadčyny Ministerstva kultury, ale pakolki ideja budaŭnictva «Kiempinskaha» padtrymlivałasia na samym viersie, na heta nie pahladzieli.
Paśla šmat było razmoŭ pra adnaŭleńnie elektrastancyi, prapanoŭvalisia roznyja prajekty. Urešcie pierastali havaryć pra ŭvieś budynak, a tolki pra fasad. Ciapier ideja realizavałasia takim čynam.