Niamiecki Bundestah pryznaŭ Haładamor hienacydam ukrainskaha naroda, suprać nie hałasavali navat «siabry Pucina»
Nižniaja pałata niamieckaha parłamienta pryniała rezalucyju, u jakoj Haładamor, masavy spravakavany kamunistyčnym kiraŭnictvam SSSR hoład 1932—1933 hadoŭ, pryznajecca hienacydam ukrainskaha naroda.
30.11.2022 / 23:50
U padtrymku rezalucyi vykazalisia try partyi kiroŭnaj kaalicyi i chryścijanskija demakraty. Frakcyi levych i «Alternatyva dla Hiermanii», jakija niaredka vystupajuć z prakramloŭskich pazicyj, ustrymalisia. Suprać nie było padadziena nivodnaha hołasu.
U pryniataj rezalucyi farmuloŭka vielmi aściarožnaja: «Ź siońniašniaha hledzišča naprošvajecca historyka-palityčnaja acenka, pavodle jakoj havorka idzie pra hienacyd. Niamiecki Bundestah padzialaje takuju acenku». Adnak navat jana dla niamieckaj palityki stała siensacyjaj. Bo jašče ŭ 2019 hodzie deputaty Bundestaha faktyčna admovilisia razhladać pietycyju ab pryznańni Haładamoru hienacydam, zajaviŭšy, što amal ničoha nie viedajuć pra padziei. Usio źmianiła ciapierašniaja rasijskaja ahresija suprać Ukrainy.