У Латвіі тэлеканал «Дождь» аштрафавалі на 10 тысяч еўра
2.12.2022 / 14:8
Нацыянальная рада па электронных СМІ (NEPLP) аштрафавала расійскі незалежны тэлеканал «Дождь» на 10 тысяч еўра. Пра гэта ў твітары паведаміў старшыня рады Іварс Абаліньш.
Тэлеканал пазначыў акупаваны Крым як частку Расіі і назваў расійскае войска «нашым войскам».
За праграму ў дачыненні да «Дождя» распачалі справу аб адміністрацыйным правапарушэнні.
Абаліньш адзначыў, што за дапушчэнне трох сур'ёзных парушэнняў NEPLP мае права ануляваць ліцэнзію канала на вяшчанне. Гэты выпадак — ужо другое буйное парушэнне за апошнія месяцы.
Раней паведамлялася, што 18 ліпеня тэлеканал «Дождь» паступова аднавіў працу. Яго студыі месцяцца ў Рызе, Амстэрдаме, Тбілісі і Парыжы.