«Jość łot na 500 dalaraŭ». Biełaruska zarablaje na prodažy svaich aholenych fota
Biełaruska Lina Capava adnojčy vyrašyła: navošta vystaŭlać aholenyja foty biaspłatna, kali na hetym možna zarabić? Ciapier jana pradaje zdymki na «Patreonie» i zarablaje na hetym ad tysiačy dalaraŭ za miesiac. Svaim dośviedam dziaŭčyna padzialiłasia ŭ padkaście «Paŭhadziny kardyja».
04.12.2022 / 12:49
Fota: instahram dziaŭčyny
Lina raskazvaje pra fota, jakija vystaŭlaje dla płatnych padpisčykaŭ:
«Ja pryŭnošu mastacki składnik. Mnie važna, kab heta było nie prosta ŭ łob, tryvijalna, a pryhoža. Mnie chočacca, kab fota vyklikała niejkija pačućci».
Časam jana fatahrafujecca padčas seksu.
Za miesiac na «Patreonie» ŭ dziaŭčyny byvaje da 30 płatnych padpisčykaŭ. Bolšaść prychodzić na pieršy ŭzrovień, na dziesiać dalaraŭ. U Liny jość łot i na 500 dalaraŭ, i adnojčy jaho kuplali.
Heta nie asnoŭnaja krynica dachodu dziaŭčyny — jana zarablaje tym, što viadzie instahram-akaŭnt brenda nižniaj bializny.
Lina taksama piša karciny — na ich časta aholenyja cieły. Dziaŭčyna maje mastackuju adukacyju i kaža, što hołaje cieła dla jaje naturalnaje, padčas vučoby jana pryvykła malavać z natury.
Lina dzielicca, što jana čakaje ad adnosinaŭ z mužčynam.
«Mnie važna, kab ja adčuvała biaśpieku i davier. Druhi punkt — kab byŭ mužčynski pačatak. Kab nie ja vyrašała, kudy pojdziem, što my budziem rabić, jak my vyrašym hetu prablemu ci jašče lepš — jak ja vyrašu hetu prablemu. U adnosinach ja chaču, kab mnie było praściej i lepš žyć, čym adnoj».
Jość u jaje pretenzii i da niekatorych biełaruskich mužčyn.
«Mianie razdražniaje, što jany zažralisia. Biełaruski — adny z pryhažejšych žančyn. A našy chłopcy hetaha nie razumiejuć, nie ceniać, ci jany pieranasycilisia.
Kali ty idzieš na spatkańnie z zamiežnikam — inakš. Pieršaje, što mnie skazaŭ chłopiec, jaki žyvie ŭ Vialikabrytanii: «Žančyny, jak ty, nie spuskajucca ŭ mietro ŭ nas, ty ich tam nie ŭbačyš».