Vienhryja zabłakavała vydzialeńnie Ukrainie €18 młrd u 2023 hodzie
Ministr finansaŭ Čechii Źbihnieŭ Staniura źviarnuŭsia ŭ Kamisiju pa ekanomicy i finansach ES, kab znajści alternatyŭnaje rašeńnie, jak dapamahčy Kijevu, jakoje padtrymajuć usie členy Jeŭrasajuza.
06.12.2022 / 16:43
Premjer-ministr Vienhryi Viktar Orban. Fota: Darko Vojinovic / AP Photo
Vienhryja nakłała vieta na pakiet finansavaj dapamohi Ukrainie ŭ pamiery €18 młrd ($18,9 młrd) u 2023 hodzie, paviedamiła ahienctva Associated Press.
«Vienhryja vystupaje suprać źmieny finansavaha zakanadaŭstva», — zajaviŭ ministr finansaŭ Vienhryi Michaj Varha ŭ Brusieli na pasiadžeńni Rady pa ekanamičnych i finansavych pytańniach ES.
Jak piša ahienctva, z-za vieta Vienhryi astatnim 26 krainam — siabram ES nieabchodna raspracavać novy, bolš składany płan, kab harantavać Kijevu, što dapamoha praciahnie pastupać u 2023 hodzie.