Чалавек, які выйшаў: «На Акрэсціна ўсё вельмі сумна»
Жанчына, якая сядзела ў лістападзе, расказала свайму знаёмаму, што цяпер творыцца ў Цэнтры ізаляцыі правапарушальнікаў. Ëн пераказаў гэтую інфармацыю «Нашай Ніве».
07.12.2022 / 19:34
Паводле сведкі, «на Акрэсціна ўсё вельмі сумна».
У камеры на 5 чалавек было 19 жанчын, ніякіх матрацаў палітычным не выдавалі, усё па-ранейшаму. Да таго ж лютуе кавід, адну хворую дзяўчыну забралі з запаленнем лёгкіх, і неўзабаве пасля таго ўсе таксама сталі хварэць.
Затрымалі жанчыну выпадкова, прыходзілі па сястру, а яе забралі за кампанію. Пры затрыманні праверылі тэлефон і нарабілі скрыншотаў.
* * *
Калі вы ведаеце больш, напішыце рэдактару «Нашай Нівы» ў ТГ @nn_editor, на nivanasha@gmail.com ці nivanasha@proton.me. Калі пішаце ў ТГ, выдаляйце чат пасля сувязі. Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).