Na siońnia zapłanavanaja sustreča prezidenta Polščy Andžeja Dudy sa Śviatłanaj Cichanoŭskaj
8.12.2022 / 12:37
Na siońnia zapłanavanaja sustreča prezidenta Polščy Andžeja Dudy sa Śviatłanaj Cichanoŭskaj i pradstaŭnikami biełaruskaj hramadskaści, paviedamlaje kancylaryja polskaha prezidenta.
Raniejšaje fota
Sustreča adbudziecca ŭ Bielviederskim pałacy ŭ Varšavie.
Zapłanavana publičnaje vystupleńnie Andžeja Dudy. Lidarka demakratyčnych siłaŭ Biełarusi prybudzie ŭ Varšavu z Hdańska, dzie sustreniecca ź lidaram lehiendarnaha niezaležnaha prafsajuza «Salidarnaść», łaŭreatam Nobieleŭskaj premii miru, byłym prezidentam Polščy Lecham Vałensam.
Papiaredni raz Cichanoŭskaja i Duda sustrakalisia 4 kastryčnika. Baki abmierkavali situacyju ź biełaruskimi palitźniavolenymi, mahčymy ŭdzieł biełaruskaj armii ŭ rasijskaj ahresii suprać Ukrainy i inšyja pytańni.