Połk Kalinoŭskaha napisaŭ pra zahinułaha biełarusa z pazyŭnym «Jakub»
10.12.2022 / 13:48
Pra hibiel 16-ha biełaruskaha dobraachvotnika stała viadoma na hetym tydni. Połk Kalinoŭskaha raspavioŭ pra jaho bolš padrabiazna.
Bajca zvali Alaksiej Aŭdziejenka. Jon zahinuŭ 4 śniežnia na Bachmuckim nakirunku.
Z 2016 hoda Alaksiej žyŭ va Ukrainie, staŭ dobraachvotnikam taktyčnaj hrupy «Biełaruś» i chutka padpisaŭ kantrakt z USU.
Alaksiej udzielničaŭ u bajavych dziejańniach na Danbasie padčas Apieracyi Abjadnanych sił. Ź pieršych dzion poŭnamaštabnaj vajny prymaŭ aktyŭny ŭdzieł u abaronie Ukrainy. Jon nie vajavaŭ u Pałku Kalinoŭskaha, ale kiraŭnictva farmiravańnia dobra viedała «Jakuba».