Францыя адолела Англію і выйшла ў паўфінал чэмпіянату свету
У паўфінале французы згуляюць з Марока.
11.12.2022 / 00:01
Фота: Darco Bandič, AP
Лік у матчы на 17-й хвіліне адкрыў француз Тшуамені. Ён жа на 51-й хвіліне заваліў у сваёй штрафной Сака. Хары Кейн быў дакладны — 1:1.
А на 78-й хвіліне Аліўе Жыру галавой з паса Грызмана, здавалася, паставіў кропку.
Праз некалькі хвілін французы зноў сфалілі ў сваёй штрафной. Але гэтым разам Кейн не забіў. Лік так і застаўся 2:1 на карысць французаў.
Такім чынам, у паўфіналах згуляюць:
13 снежня, Аргенціна — Харватыя.
14 снежня, Марока — Францыя.
Пачатак матчаў у 22:00 па Мінску.
Матч за трэцяе месца пройдзе ў наступную суботу. Фінал у нядзелю, 18 снежня.