Z 11 śniežnia Biełaruskaja čyhunka ŭvodzić novy raskład ciahnikoŭ
11.12.2022 / 11:52
Biełaruskaja čyhunka z 11 śniežnia ŭvodzić novy raskład. Heta vynikaje z zajavy pres-słužby pieravozčyka.
Fota: rw.by
Zhodna z padadzienaj infarmacyjaj, u hrafiku ruchu čyhunačnych sastavaŭ na 2022-2023 hod praduhledžana 389 par ciahnikoŭ. Akramia taho, novy raskład źmianiaje čas kursiravańnia transpartu pamiž stalicaj i abłasnymi centrami, u tym liku na biesprypynačnych maršrutach.
Dabracca ź Minska ŭ rehijony možna budzie chutčej. Asobnyja ciahniki buduć pieraadolvać adlehłaść da:
- Mahilova — za 2 hadziny 43 chviliny;
- Homiela — 2 hadziny 50 chvilin;
- Bresta i Viciebska — 3 hadziny;
- Hrodna — 3 hadziny 52 chviliny.
Adznačajecca, što ŭ novym raskładzie praduhledžany ruch 259 par ciahnikoŭ na linijach ekanom-kłasa. Kolkaść ruchomych čyhunačnych sastavaŭ tradycyjna buduć pavialičvać napiaredadni i na vychadnych, a taksama ŭ śviatočnyja dni.