Dziaržpahransłužba Ukrainy: Svaimi vajskovymi manieŭrami Biełaruś nahniataje situacyju
Pradstaŭnik Dziaržaŭnaj pahraničnaj słužby Ukrainy Andrej Dziemčanka ličyć, što abvieščanaja pravierka bajazdolnaści biełaruskaj armii źjaŭlajecca nahniatańniem situacyi. Tym časam jon dadaŭ, što heta dadatkovy vyklik dla pamiežnikaŭ.
13.12.2022 / 20:00
Ukrainskija vajskoŭcy-pamiežniki
«Nie fiksujecca źmianieńniaŭ u abstanoŭcy pa linii hranicy. Situacyja zastajecca poŭnaściu kantralavanaj. Tyja padraździaleńni Uzbrojenych Sił Biełarusi, jakija i raniej znachodzilisia na ŭzmacnieńni hranicy z našaj krainaj, tak i zastajucca — ich kolkaść i charaktar dziejańniaŭ nie mianiajucca.
Stvareńnie hrupovak, jakija mahli ažyćciavić uvarvańnie, my nie fiksujem», — zajaviŭ padčas bryfinhu pradstaŭnik DPSU Andrej Dziemčanka.
Jon ličyć, što abvieščanaja pravierka bajazdolnaści biełaruskaj armii źjaŭlajecca nahniatańniem situacyi. Taksama jon dadaŭ, što heta dadatkovy vyklik dla pamiežnikaŭ:
«My budziem nazirać za tym, jak raźvivajecca situacyja, u tym liku i nakolki blizka hetyja padraździaleńni padyduć da hranicy z Ukrainaj».