Kali znoŭ adkryjecca fud-kort «Najlepšaja vulica» la Minskaha hadzińnikavaha zavoda
Adzin z samych hučnych prajektaŭ hetaha hoda — fud-kort «Najlepšaja vulica» na terytoryi Minskaha hadzińnikavaha zavoda — pracavaŭ sa žniŭnia da siaredziny kastryčnika. Ci adkryjecca jon znoŭ na Novy hod, jak toje abiacali arhanizatary, «Minsk-Navinam» raspaviali ŭ pres-słužbie placoŭki.
14.12.2022 / 09:38
— Na Novy hod i kaladnyja śviaty pracavać nie płanujem. Ale adkryćcio namiečana na 1 sakavika, — paviedamili pradstaŭniki prajekta.
Fud-kort raźmieščany niedaloka ad stancyi mietro «Park Čaluskincaŭ», uvachod znachodzicca pamiž damami № 2 i 4 na vuł. Tałbuchina. Pracavać «Najlepšaja vulica» płanavała štodnia ŭvieś hod z 12:00 da 2:00.
Arhanizatary abiacali hastranamičnaje padarožža, dzie kožny zmoža znajści stravu na svoj hust, a akramia hetaha — zabavy ŭ vyhladzie arelaŭ, art-instalacyi vializnaha skiejta, vialikaj sceny dla mierapryjemstvaŭ, viečarynak i vystupaŭ.