Na čyhunačnych vakzałach pačali vydavać kvitki novaha ŭzoru
14.12.2022 / 17:53
Ź sierady, 14 śniežnia, čyhunačnyja kvitki novaha ŭzoru pačali afarmlać na ŭsich vakzałach Biełarusi, za vyklučeńniem stancyi Minsk-Pasažyrski. Infarmacyja pra heta raźmieščana na sajcie Biełaruskaj čyhunki.
Raniej čyhunka anansavała pastupovy pierachod, pačynajučy z kastryčnika hetaha hoda, na novuju technałohiju afarmleńnia prajaznych dakumientaŭ z vykarystańniem biletadrukavalnych mašyn. Z-za hetaha vyrašana było źmianić i formu kvitkoŭ, jakaja budzie vykarystoŭvacca dla ŭsich ciahnikoŭ mižrehijanalnych i rehijanalnych linij biznes-kłasa.
Na siońniašni dzień hety praces arhanizavany na 18 vakzałach krainy i na ŭsich stancyjach Bresckaha adździaleńnia BČ. Ale z časam novyja kvitki buduć vydavać va ŭsich punktach realizacyi čyhunačnych prajaznych dakumientaŭ.
Padčas pierachodnaha pieryjadu novyja dakumienty buduć afarmlacca naroŭni z błankami dziejnaha ŭzoru. Pry hetym u mižnarodnych ciahnikach forma błankaŭ biletaŭ zachavajecca raniejšaj.