Minabarony RF abviaściła ab bataljonnych taktyčnych vučeńniach u Biełarusi
Rasijskija vajskoŭcy, jakija prybyli ŭ Biełaruś u ramkach stvareńnia rehijanalnaj hrupoŭki vojskaŭ, praviaduć bataljonnyja taktyčnyja vučeńni.
19.12.2022 / 09:18
«Kančatkovuju charaktarystyku bajazdolnaści i bojehatoŭnaści padraździaleńniaŭ kamandavańnie daść na zaviaršalnym etapie zładžvańnia — paśla praviadzieńnia bataljonnych taktyčnych vučeńniaŭ», — havorycca ŭ paviedamleńni vajennaha viedamstva Rasii.
U Minabarony RF zajavili, što rasijskija vajskoŭcy na palihonach u Biełarusi «praciahvajuć kurs intensiŭnaj bajavoj padrychtoŭki».
«Zaniatki pa bajavoj padrychtoŭcy i zładžvańnie padraździaleńniaŭ Zachodniaj vajennaj akruhi pravodziacca ŭ dzionny i načny čas», — havorycca ŭ paviedamleńni.
«Temp bajavoha zładžvańnia rasijskich vajskoŭcaŭ rehijanalnaj hrupoŭki sił u Biełarusi vysoki», — zajavili vajskoŭcy.
U listapadzie Minabarony RF paviedamlała pra treniroŭku na palihonach Biełarusi rasijskich tankistaŭ, artylerystaŭ, padraździaleńniaŭ suviazi, radyjoelektronnaj baraćby, inžynieraŭ i miedycynskaha atrada śpiecyjalnaha pryznačeńnia Zachodniaj vajennaj akruhi.
Raniej Minabarony Biełarusi paviedamlała, što ŭ krainu dla stvareńnia sumiesnaj hrupoŭki vojskaŭ prybuduć da 9 tysiač rasijskich vajskoŭcaŭ i niekalki sotniaŭ adzinak braniatechniki.