Krainy Jeŭrasajuza ŭzhadnili stol cenaŭ na haz
Pra dasiahnieńnie parazumieńnia krainami Jeŭrasajuza ŭ pytańni stoli cenaŭ na haz paviedamili ŭ Ofisie prezidenta Čechii. Čechija ciapier staršynstvuje ŭ Jeŭrasajuzie.
19.12.2022 / 18:51
Pavodle ŭzhodnienych paramietraŭ, stol cany na haz musić utrymlivacca na ŭzroŭni 180 jeŭra za miehavat-hadzinu.
Abmiežavańni ŭstupiać u siłu, kali cana na haz na najbujniejšym chabie TTF ŭ Niderłandach budzie pieravyšać 180 jeŭra za miehavat-hadzinu na praciahu troch dzion. Pałažeńnie ab abmiežavańni cenaŭ budzie prymianiacca z 15 lutaha.
Vynikovaja stol akazałasia značna nižejšaj, čym pieršapačatkovaja prapanova Jeŭrakamisii (275 jeŭra).
Stol cenaŭ na haz u ES uvodzicca jak miera pa baraćbie ź inflacyjaj, jakaja ŭ apošnija miesiacy znachodzicca na histaryčnych maksimumach. Značny rost cenaŭ na haz u Jeŭropie vyklikany ŭ tym liku supraćstajańniem z Rasijaj, jakaja istotna skaraciła fizičnyja pastaŭki hazu na kantynient.