«U našych dziaciej pavinna być śviata, niahledziačy na namahańni rasijskich varvaraŭ». U Kijevie zapalili ahni na «Jalincy niazłomnaści»
Sioleta napiaredadni śviataŭ ułady ŭkrainskaj stalicy i hramadskaść nie mieli adzinaj dumki, ci treba stavić simvaličnaje dreva, ale ŭrešcie pryniali stanoŭčaje rašeńnie, kab navat hetym padkreślić niazłomnaść. I nazvu abrali adpaviednuju.
19.12.2022 / 22:10
«Tradycyjna 19 śniežnia, u Dzień śviatoha Mikałaja, my zapalili ahni na hałoŭnaj jalincy krainy na Safijskaj płoščy. Sioleta šmat abmiarkoŭvali, ci varta stavić jalinku. Z ulikam taho, što my žyviom va ŭmovach vajennaha stanovišča, abstrełaŭ i adklučeńnia elektryčnaści.
Ale ja liču, što my pryniali słušnaje rašeńnie. Pavinna być jalinka! U našych dziaciej pavinna być śviata! Niahledziačy na ŭsie namahańni rasijskich varvaraŭ pazbavić ukraincaŭ radaści Kaladaŭ i Novaha hoda», — napisaŭ mer Kijeva Vital Kličko ŭ telehramie.