Хлопца асудзілі на 2 гады калоніі за «напад на Азаронка»
У судзе Заводскага раёна Мінска вынеслі прысуд 25-гадоваму Арцёму Забелянкову.
21.12.2022 / 14:19
Рыгор Азаронак
Ён нібы ўжыў гвалт у дачыненні да Рыгора Азаронка і пагражаў гвалтам аператару Андрэю Іваненку.
«11 кастрычніка 2020 года знаходзіўся на праспекце Пераможцаў у Мінску, дзе патрабаваў спыніць здымку ад супрацоўнікаў аднаго з тэлеканалаў».
Азаронак на суд не з'явіўся, але перадаў заяву, у якой напісаў, што не мае прэтэнзій да абвінавачанага. Аператар Іваненка прасіў на працэсе не пазбаўляць хлопца волі, паведамляе «Вясна».