U Minsku kala Čyhunačnaha vakzała adkryli novy handlovy centr
Handlovy centr Minsk City Mall kala Čyhunačnaha vakzała z boku dyśpietčarskaj stancyi «Družnaja» adkryŭsia 21 śniežnia. Pakul, praŭda, u im pracujuć tolki hipiermarkiet Green i łakacyja z tortami Salad Drive, paviedamlaje vydańnie «Točka».
21.12.2022 / 18:11
Jašče ŭ pačatku kastryčnika pieršy namieśnik staršyni Minharvykankama Dźmitryj Mikulonak anansavaŭ, što HC pačnie pracu da Novaha hoda.
U handlova-zabaŭlalnym kompleksie abiacajuć adkryć kala 120 kram, a taksama restaran i čatyry kinazały na 590 pasadačnych miescaŭ.
Rabotniki HC adznačyli, što kramy buduć adkryvacca pastupova. Zusim chutka na trecim paviersie pačnie pracavać «Dietmir», na pieršym — Dubai z arechami i suchafruktami. Abiacajuć, što na druhim paviersie budzie šmat bucikoŭ z adzieńniem, ale pakul nazyvać brendy nie advažylisia.