U Kosavie adkryli adramantavany pałacava-parkavy ansambl
U cyrymonii adkryćcia i ŭvodu ŭ ekspłuatacyju Kosaŭskaha pałacava-parkavaha ansambla pryniali ŭdzieł ministr kultury Anatol Markievič i staršynia Bresckaha abłvykankama Juryj Šulejka. Siońnia ŭ pałacy prachodzić taksama navahodni bal dla studentaŭ.
23.12.2022 / 16:56
Rekanstrukcyja kompleksu pačałasia ŭ 2008 hodzie. Śpiecyjalnaja kamisija JUNIESKA pryznała pałac pierśpiektyŭnym mižnarodnym turystyčnym abjektam i vydzieliła na padrychtoŭčyja raboty pa jaho adnaŭleńni hrant u 50 tysiač dalaraŭ.
Užo ŭ 2017 hodzie adkryłasia pieršaja ekspazicyja, u 2020-m pryniali pieršych naviedvalnikaŭ restaran «Hraf Pusłoŭski» i hatel «Pusłoŭskich».
Kosaŭski zamak abaviazany svaim isnavańniem rodu Pusłoŭskich. Adzin ź jaho pradstaŭnikoŭ, Vandalin Pusłoŭski, atrymaŭšy ŭ spadčynu ad baćki majontak u Mieračoŭščynie, zakłaŭ tut pałac u nieahatyčnym styli. Budaŭnictva praciahvałasia 12 hadoŭ — z 1838-ha pa 1850-ty. Pobač z pałacam mieściłasia siadziba, dzie ŭ 1746 hodzie naradziŭsia budučy kiraŭnik nacyjanalna-vyzvalenčaha paŭstańnia 1794 hoda Tadevuš Kaściuška.