Biełarusku Juliju Raskinu pryznali najlepšaj trenierkaj Hiermanii
U Niamieckim alimpijskim spartyŭnym sajuzie ŭ kancy hoda ŭ naminacyi «Najlepšy trenier» adznačyli adrazu dvuch čałaviek — treniera pa babślei Rene Špisa i biełaruskuju trenierku pa mastackaj himnastycy Juliju Raskinu, paviedamlaje Tribuna.com.
25.12.2022 / 18:52
Julija Raskina — byłaja viadomaja spartśmienka. Jana siarebranaja pryziorka Alimpijskich hulniaŭ 2000 hoda, čempijonka i pryziorka čempijanataŭ śvietu i čempijanataŭ Jeŭropy.
Ciapier jana treniruje himnastak na fiederalnaj bazie padrychtoŭki rehijona Baden-Viurtembierh. Mienavita Raskina padrychtavała himnastku Darju Varfałamiejevu, jakaja sioleta, vystupajučy za Hiermaniju, uziała adrazu piać miedaloŭ na čempijanacie śvietu.
U 2020 hodzie Julija Raskina prajaviła i hramadzianskuju pazicyju i padpisała adkryty list biełaruskich spartśmienaŭ za sumlennyja vybary i suprać hvałtu.