Šviejcarski mastak pryhoža padśviaciŭ abjekty ŭ vajennym Kijevie FOTY
Razam ź nievialikaj kamandaj z čatyroch čałaviek i ŭłasnym elektrahienierataram suśvietna viadomy mastak Hary Chafšteter na hetyja Kalady pracuje va Ukrainie ŭ ramkach śvietłavoha art-turu «Kaladnaje śviatło dla Nadziei».
25.12.2022 / 19:39
Hary Chafšteter pracuje va Ukrainie na praciahu troch kaladnych viečaroŭ — 23, 24 i 25 śniežnia z 16 da 22 hadzin.
Na roznych viadomych va Ukrainie i ŭ śviecie abjektach Kijeva źjavilisia prajekcyi z ukrainskimi dziaržaŭnymi simvałami, abstrakcyjami na kaladnuju tematyku, vyšyvankami, słaniečnikami i mnohimi inšymi jarkimi i žyćciaradasnymi malunkami.
«Heta vielmi simvalična, što ŭ časy, kali Rasija sprabuje pazbavić nas śviatła, my sumiesna z našymi jeŭrapiejskimi siabrami heta śviatło možam viarnuć. Choć by ŭ takim mastackim vobrazie», — skazaŭ ministr kultury i infarmacyjnaj palityki Ukrainy Alaksandr Tkačenka.
Prajekcyi, jakija źjaŭlajucca na budynkach u Kijevie, tranślujucca ŭ žyvym efiry, tamu ich možna bačyć u lubym kutku Ukrainy i śvietu. Vyjavy asobnych prajekcyj stvarajucca adrazu padčas aśviatleńnia na miescy ŭ vyhladzie NFT i raźmiaščajucca na płatformie Opensea NFT. Atrymanyja ad prodažu rabot srodki pojduć na nastupnuju akcyju mastaka dla padtrymki Ukrainy.