Z novaha hoda mianiajucca praviły viadzieńnia knihi skarhaŭ
Saŭmin źmianiŭ paradak viadzieńnia knihi zaŭvah i prapanoŭ. Z 2 studzienia jana budzie patrebna tolki ŭ niekatorych śfierach. Pra heta havorycca ŭ pastanovie ŭrada № 877 ad 19 śniežnia 2022 hoda, apublikavanym na Nacyjanalnym pravavym internet-partale.
25.12.2022 / 20:09
Aŭtaškoły, navučalnyja punkty i centry padrychtoŭki i pierapadrychtoŭki vadzicielskaha składu, aŭtadarožnyja punkty propusku praź miažu, pasolstvy, konsulstvy, redakcyi haziet i časopisaŭ, punkty mytnaha afarmleńnia, centry statystyčnaha dekłaravańnia, terytaryjalnyja centry sacabsłuhoŭvańnia nasielnictva, aŭtamabilnyja stajanki mohuć ciapier hetuju knihu nie vieści.
U toj ža čas z novaha hoda abaviazanyja vieści knihi zaŭvah i prapanoŭ ryełtarskija arhanizacyi i majsterni, jakija akazvajuć pasłuhi pa ramoncie i techabsłuhoŭvańni transpartnych srodkaŭ. U pastanovie havorycca, što vyrablenyja knihi staroha ŭzoru treba vieści da taho času, pakul usie staronki nie buduć zapoŭnienyja.