U Minsku zakryvajecca biełaruskamoŭnaja kaviarnia «Apostraf»
Pryčyna zakryćcia kaviarni nie paviedamlajecca, ale viadoma, što apošnim pracoŭnym dniom dla jaje stanie 13 studzienia.
26.12.2022 / 19:53
«Ź vialikim žalem i bolem na sercy vymušany paviedamić vam ab našym zakryćci. Tak, «Apostraf» začynić svaje dźviery i pierastanie isnavać. Ale apošni pracoŭny dzień budzie tolki 13.01.2023. A pakul čakajem na kubačak kavy», — napisali ŭ instahramie ŭładalniki kaviarni.
Kaviarnia «Apostraf» na vulicy Alibiehava, 28 (heta mikrarajon «Paŭdniovy Zachad») adkryłasia letaś 30 kastryčnika. Takim čynam, pratrymacca joj udałosia krychu bolš za hod.