MUS stvaryła «Ryś» — jašče adno śpiecpadraździaleńnie
U Biełarusi stvaryli novy asoby atrad śpiecyjalnaha pryznačeńnia «Ryś». Kuratarstva nad im uziaŭ pamočnik Łukašenki — inśpiektar pa horadzie Minsku Alaksandr Barsukoŭ, paviedamiła MUS. Asnoŭnymi zadačami novaha atrada zajaŭlajucca «baraćba ź niezakonnymi ŭzbrojenymi farmiravańniami i dyviersijnymi vyviedvalnymi hrupami».
27.12.2022 / 20:49
Pavodle kiraŭnika MUS Ivana Kubrakova, atrad vyrašyli stvaryć paśla analizu studzieńskich padziej u Kazachstanie, vajny va Ukrainie i «padziej u Biełarusi ŭ 2020 hodzie», i «ŭ vypadku sproby ekstremisckich farmiravańniaŭ uździejničać na dziejnuju ŭładu siłavym šlacham».
«Ryś», pa jahonych słovach, budzie vykonvać bajavyja zadačy sumiesna z kalehami z SACHRa, AMAPa i «Ałmaza».