Фільм Аляксея Палуяна атрымаў узнагароду The Cinema for Peace за найлепшы палітычны фільм
Фільм Courage пра беларускі пратэст адзначаны міжнародным фондам The Cinema for Peace.
29.12.2022 / 12:06
Кадр з фільма
«Вельмі прыемна асэнсоўваць, што пра беларускі супраціў у свеце яшчэ памятаюць. Выстаім! Абавязкова!» — напісаў пра ўзнагароду рэжысёр Аляксей Палуян у фэйсбуку.
Журы конкурсу адзначыла Courage («Смеласць») як «натхняючы і бадзёры дакументальны фільм аб мірным паўстанні нацыі супраць несправядлівасці і жорсткага прыгнёту іх дэмакратычных рухаў».
Фільм быў зняты ў першыя месяцы пратэсту 2020 года. Галоўнымі героямі сталі акцёры Свабоднага тэатра — Дзяніс Тарасенка, Павел Гарадніцкі і Марына Якубовіч. Прэм'ера адбылася на Берлінскім кінафестывалі ў 2021 годзе. На прэм'еры былі Святлана Алексіевіч і Святлана Ціханоўская.