Kryšcijanu Ranałdu aficyjna staŭ hulcom kłuba ŭ Saudaŭskaj Aravii. Za rekordny zarobak
Partuhalski futbalist Kryšcijanu Ranałdu aficyjna staŭ hulcom kłuba «Al-Nasr» z Saudaŭskaj Aravii. Pra heta paviedamiŭ kłub na svaich staronkach u sacsietkach, a jašče raniej infarmacyja źjaviłasia ŭ ŚMI.
31.12.2022 / 08:46
Kantrakt z «Al-Nasram» zaklučany na dva hady, apošni miesiac partuhalec znachodziŭsia ŭ statusie svabodnaha ahienta. Pavodle infarmacyi amierykanskaha vydańnia CBS, zarobak partuhalca składzie 75 miljonaŭ dalaraŭ u hod. A z ulikam rekłamy jon moža skłaści 200 miljonaŭ dalaraŭ.
«Al-Nasr» — piaty kłub u prafiesijnaj karjery Kryšcijanu Ranałdu. Partuhalec vystupaŭ za «Sportynh», «Mančestar Junajted», «Reał Madryd» i «Juvientus». Pryčym za MIU jon vystupaŭ dvojčy.
«Al-Nasr» — 9-razovy čempijon Saudaŭskaj Aravii, apošni raz vyjhraŭ tytuł pa vynikach siezona 2018/19. Treniruje kłub francuzski śpiecyjalist Rudzi Harsija.