Honščyk i šoŭmien Kien Błok zahinuŭ u avaryi sa śniehachodam
Amierykanski honščyk i šoŭmien Kien Błok pamior u 55 hadoŭ. Jon zahinuŭ u avaryi sa śniehachodam. DTZ adbyłosia ŭ štacie Juta. Pra heta paviedamiła honačnaja kamanda Hoonigan Racing Division.
03.01.2023 / 08:39
«Z hłybokim škadavańniem my možam paćvierdzić, što Kien Błok zahinuŭ siońnia ŭ avaryi na śniehachodzie. Kien byŭ pieršaprachodcam i ikonaj. Nam budzie nievierahodna jaho nie chapać», — havorycca ŭ paviedamleńni Hoonigan u instahramie.
Kien Błok — adzin z zasnavalnikaŭ kampanii pa vytvorčaści abutku dla sportu i skiejtbordynhu DC Shoes. Jon vyrašyŭ pasprabavać siabie ŭ honkach, kali jamu było amal 40 hadoŭ, i pačaŭ udzielničać u rali z kamandaj Vermont SportsCar. U 2006 hodzie Kien Błok padpisaŭ novaje pahadnieńnie ab sponsarstvie DC Rally z Subaru. U 2010 hodzie kamanda Monster World Rally abviaściła Kiena Błoka svaim honščykam dla niekalkich etapaŭ čempijanatu śvietu pa rali.