Łukašenkaŭcy sudziać nobieleŭskaha łaŭreata. U čaćvier pačynajecca sud pa «spravie Viasny»
5 studzienia ŭ sudzie Leninskaha rajona Minska pryznačanaja data suda pa spravie suprać staršyni PC «Viasna» i Nobieleŭskaha łaŭreata Alesia Bialackaha, jaho namieśnika Valancina Stefanoviča i kaardynatara kampanii «Pravaabaroncy za svabodnyja vybary» Uładzimira Łabkoviča, a taksama Źmitra Sałaŭjova, jakoha buduć sudzić u paradku śpiecvytvorčaści.
04.01.2023 / 14:53
Praces adkryty. Spravu budzie razhladać sudździa Maryna Zapaśnik.
Pravaabaroncaŭ abvinavačvajuć u «kantrabandzie arhanizavanaj hrupaj» (č. 4 art. 228 KK) i «finansavańni hrupavych dziejańniaŭ, jakija hruba parušajuć hramadski paradak» (č. 2 art. 342 KK). Troje viasnoŭcaŭ utrymlivajucca pad vartaj z 14 lipienia 2021 hoda — im pahražaje ad 7 da 12 hadoŭ źniavoleńnia.
Dzie: Dom pravasudździa, vulica Siamaški, 33, numar zały 1071
Kali: čaćvier, 5 studzienia, 11:00
Adras dla listoŭ salidarnaści: SIZA-1, 220030, Minsk, Vaładarskaha, 2, Uładzimir Mikałajevič Łabkovič, Alaksandr Viktaravič Bialacki, Valancin Kanstancinavič Stefanovič