Ci biaśpiečna rabić achviaravańni praz Stripe?
Niekatoryja biełaruskija inicyjatyvy dla zboru danataŭ pierajšli na servis Stripe. Razabralisia, ci nadziejny jon i ci biaśpiečna danacić ź Biełarusi.
06.01.2023 / 12:18
Łahatyp Stripe. Fota: stripe.com
Servis Stripe nadziejny z punktu hledžańnia cełaści vašych danych: numara kartak i inšych asabistych źviestak. Jon dastatkova dobra abaronieny ŭ hetym płanie.
Ale, u adroźnieńnie navat ad Patreon, dzie bačnaja tolki ahulnaja suma płaciažu, u Stripe bačnyja banku i, adpaviedna, siłavikam jak suma, hetak i atrymalnik płaciažu. Pry płaciažach praź jaho lohka daviedacca, kamu, kudy i kolki vy pieraviali. Takim čynam, achviaravać ź biełaruskaj kartki na inicyjatyvy, pryznanyja «ekstremisckimi», ci inicyjatyvy, jakija mohuć takimi pryznać, moža być niebiaśpiečna.
Kali vy vyrašyli zrabić taki pieravod, varta skarystacca zamiežnaj kartkaj (rasijskija taksama nie pasujuć).