Z aŭkcyjonu pradajuć karciny niamieckaha mastaka z krajavidami Minska 1942 hoda
Na anłajn-aŭkcyjonie pradajuć piać karcin niamieckaha žyvapisca Eduarda Vinklera, na jakich namalavany zimovyja piejzažy Minska 1942 hoda. Pra heta raskazaŭ telekanał ANT.
09.01.2023 / 00:15
Mastak Vinkler apynuŭsia na Uschodnim froncie padčas Druhoj suśvietnaj vajny. Na piaci jahonych rabotach adlustravany viadomyja miescy — Vierchni horad sa Śviata-Duchavym saboram i kaściołam Panny Maryi, a taksama ciapier užo nie isnujučaja hałoŭnaja miačeć. Siarod łotaŭ taksama biełaruski viaskovy piejzaž.
Pa karcinach Vinklera nie skažaš, što napisanyja jany ŭ čas vajny. Choć u 1942 hodzie Minsk užo byŭ značna razburany, na tvorach mastaka heta nie adlustravałasia.
Sam Eduard Vinkler naradziŭsia ŭ Sankt-Pieciarburhu, skončyŭ prestyžnuju Miunchienskuju akademiju vyjaŭlenčaha mastactva. Z 1943 pa 1945 hady jon byŭ udzielnikam antyfašysckaha padpolla ŭ Hiermanii.