Śviežyja spadarožnikavyja zdymki zafiksavali na aeradromie Ziabraŭka šmat vajskovaj techniki
Na aeradromie Ziabraŭka pad Homielem znachodziacca ZRK S-300/400, ZRPK «Pancyr» i inšaja technika, vynikaje sa śviežych spadarožnikavych zdymkaŭ, apublikavanych kampanijaj Rochan Consulting.
12.01.2023 / 23:27
Paraŭnieńnie spadarožnikavych zdymkaŭ ad 9 śniežnia 2022-ha i 7 studzienia 2023-ha (ahulny vid)
Jak piša vajskovy analityk i kiraŭnik Rochan Consulting Konrad Muzyka, na zdymkach taksama dobra bačnyja šmatlikija śviežyja ślady šyn i ślady budoŭli — jak miarkujecca, aeradrom pašyrajecca.
Na fota možna zaŭvažyć dyvizijon ź dzieviaci zienitna-rakietnych kompleksaŭ S-300/400 i ZRPK «Pancyr». Na poŭnačy aeradroma taksama bačnyja kantejniery z bojeprypasami dla zienitnych kompleksaŭ.
Infrastruktura zienitna-rakietnych kompleksaŭ S-300 na avijabazie. Paraŭnieńnie spadarožnikavych zdymkaŭ ad 9 śniežnia 2022-ha i 7 studzienia 2023-ha
Ukrainskija vajskoŭcy ŭ lipieni zajaŭlali, što aeradrom Ziabraŭka vykarystoŭvajecca rasijskaj armijaj dla napadaŭ na ŭkrainskija harady. U žniŭni na aeradromie prahrymieŭ vybuch — na spadarožnikavych zdymkach na ŭźlotna-pasadačnaj pałasie źjavilisia ślady, padobnyja na ślady ad traplańnia rakietaj. Adnak ukrainskija vajskoŭcy zajavili, što jany nie datyčnyja da vybuchu.
Paraŭnańnie spadarožnikavych zdymkaŭ ad 9 śniežnia 2022-ha i 7 studzienia 2023-ha
Akramia taho, na aeradromie rehularna zaŭvažali viertaloty Mi-26, jakija vykarystoŭvajucca, u pryvatnaści, dla pierakidańnia techniki.
Paraŭnańnie spadarožnikavych zdymkaŭ ad 9 śniežnia 2022-ha i 7 studzienia 2023-ha (paŭnočnaja častka bazy)